Fréttir

Sem fyrr mun Sveitarfélagið Stykkishólmur bjóða eldra fólki og öryrkjum, með lögheimili í sveitarfélaginu, upp á slátt í heimagörðum. Þessi þjónusta er eingöngu í boði fyrir eldra fólk og öryrkja sem ekki geta sinnt garðslætti né fengið ættingja til þess. Þjónustan er ekki veitt þar sem heimilismenn, 18 ára og eldri, geta annast slátt. Síðastliðið sumar var lagt upp með nýtt fyrirkomulag slátturs sem reyndist vel og verður því sama fyrirkomulag í ár. Fyrirkomulagið er þannig að umsækjendur hafa samband við Ráðhúsið í síma 433-8100 og óska eftir slætti fyrir sumarið.  Aðeins þarf að óska eftir slætti einu sinni, í byrjun sumars, og munu þá starfsmenn Þjónustumiðstöðvar annast slátt yfir sumarið. Slegið verður a.m.k. þrisvar sinnum yfir sumar en oftar ef spretta ef mikil og tilefni til. Greitt er fyrir þrjá slætti í einni greiðslu sem gildir fyrir allan sláttur sumarsins, þ.e. aðeins er sendur einn reikningur fyrir slætti. 

Sveitarfélagið Stykkishólmur býður nemendum í 7. - 10. bekk með lögheimili í Stykkishólmi sumarvinnu í vinnuskólanum. Vinnuskólinn er oftast fyrsta launaða vinna unglinganna og því mikilvægur grunnur til að byggja á. Markmið vinnuskólans er að undirbúa ungmenni fyrir vinnu áður en haldið er út á hinn almenna vinnumarkað og skapa hollt og uppbyggjandi sumarstarf fyrir ungmenni í Stykkishólmi. Lögð er áhersla á góð samskipti, ástundun, vinnusemi og virðingu gagnvart starfinu, vinnufélögum, yfirmönnum og íbúum. Einnig eru kynnt grundvallaratriði í vinnubrögðum og notkun verkfæra.

Síðustu daga hafa vaskir menn unnið að því að leggja nýtt gervigras á sparkvöllinn við Íþróttamiðstöð Stykkishólms. Verkinu er nú lokið og gera því knattspyrnuunnendur tekið gleði sína á ný og prófað nýja grasið. Í nýja grasinu er ekkert svart kurl eins og í því gamla sem gerði mörgum lífið leitt með því að sverta föt og bolta. Nú er því um að gera að njóta verðursins og skella sér í fótbolta á sparkvellinum.

Nú á dögunum var sett upp nýtt öryggisskilti sem greinir frá notkunarreglum fyrir vatnsrennibraut í Stundlaug Stykkishólms. Skiltið er tekur mið af öryggiskröfum framleiðanda brautarinnar en samkvæmt þeim skulu þeir sem renna sér hafa náð a.m.k. 120 cm hæð. Þá þurfa börn yngri en átta ára að vera í fylgd með fullorðnum í brautinni.

Samhliða kynningu verkefnislýsingar fyrir mótun nýs aðalskipulags var birt vefkönnun til íbúa um áskoranir og tækifæri í skipulagsmálum. Hér er birt samantekt úr svörum íbúa. Könnuninni var ætlað að fá fram hugmyndir og sjónarmið íbúa um viðfangsefni aðalskipulagsins. Ábendingar íbúa eru mikilvægur efniviður inn í næstu áfanga skipulagsverkefnisins.

Kerlingarskarðshlaupið var haldið í fyrsta sinn í lok maí 2025 og hlaut góðar undirtektir. Hlaupið verður haldið aftur komandi helgi, laugardaginn 23. maí. Um er að ræða 14 km langt utanvegahlaup sem fer fram á malarslóða í gegnum Kerlingarskarð. Leiðin tengir saman suður- og norðurhluta Snæfellsness og býður upp stórbrotna náttúru í Kerlingarskarði.

Í lok apríl auglýsti sveitarfélagið matjurtargarða við Heljarmýri, óskað var eftir því að áhugasamir myndu láta vita af sér svo hægt væri að undirbúa garða í samræmi við eftirspurn. Búið er að gera garðana klára og merkja hvern reit með litlum staurum. Þeir sem óskuðu eftir matjurtargarði geta því merkt sér reit og hafist handa við niðursetningu. Vakni spurningar er hægt að hafa samband við verkstjóra í áhaldahúsi í síma 892-1189.

Í sumar verður boðið upp á leikjanámskeið fyrir 1.-3. bekk og sumarnámskeið fyrir 4.-6. bekk. Umsjónaraðilar eru Sunna Rós Arnarsdóttir fyrir 1.-3. bekk, Ragnar Ingi Sigurðsson (smíðanámskeið) og María Kúld (hreyfinámskeið) fyrir 4.-6. bekk.

Í framhaldi af málþinginu um gjaldskyldu á ferðamannastöðum sem Snæfellsjökulsþjóðgarður hélt í febrúar er boðað til opnar kynningar- og umræðufundaraðar um Snæfellsnes. Fundaröðin er í tengslum við RETURN verkefnið sem Rannsóknarmiðstöð ferðamála heldur utan um. Hér gefst tækifæri til að hafa áhrif á þróun nýs árspassa í Snæfellsjökulsþjóðgarð, eiga samtal um gjaldskylduna yfir léttum veitingum.

Leikskólinn í Stykkishólmi auglýsir lausar stöður: 100% stöðu deildarstjóra, 100% stöðu leikskólakennara, tæplega 60% stöðu við ræstingar. Í stöðu deildarstjóra og leikskólakennara er gerð krafa um leikskólakennaramenntun eða aðra sambærilega menntun.