Fréttasafn

Stóri plokkdagurinn verður haldinn um land allt sunnudaginn 27. apríl og eru íbúar hvattir til að plokka og fegra nærumhverfi sitt í tilefni dagsins. Umhverfis- og náttúruverndarnefnd samþykkti á 5. fundi sínum að halda utan um og skipuleggja stóra plokkdaginn 2025 í sveitarfélaginu og tryggja þannig þátttöku sveitarfélagsins í þessu mikilvæga verkefni.

Sumardagurinn fyrsti verður haldin hátíðlegur um land allt fimmtudaginn 24. apríl. Verðurspá fyrir Stykkishólm gerir ráð fyrir 11 stiga hita, sól og mildri austangolu. Foreldrafélag Grunnskólans í Stykkishólmi stendur fyrir fjölskylduskemmtun af tilefni dagsins. Fjörið hefst kl. 11:00 á íþróttavellinum þar sem byrjað verður á léttu hlaupi áður en farið verður í leiki. Þá mun formaður foreldrafélagsins grilla pylsur fyrir börnin og leika um leið sínar alkunnu listir á grillspaðann.

Eins og kunnugt er festi sveitarfélagið nýverið kaup á færanlegum húseiningum. Húseiningarnar voru seldar á uppboði frá Reykjavíkurborg og stóðu áður við Dalskóla. Einingarnar eru um 480 fermetrar að stærð, en þar af er 178 fermetra einingahús úr timbri sem nýtt verður sem tvær kennslustofur, sérkennslurými og opið rými til kennslu. Þar að auki er salerni í húsinu. Búið er að undirbúa fyrir komu húsanna en flutningur hófst á mánudagskvöldið 14. apríl. Hluti húsanna er nú þegar kominn í Hólminn en beðið er betra veðurs til að flytja rest.

Undanfarin ár hefur kokteilahátíðin Stykkishólmur cocktail weekend verið haldin hátíðleg í kringum páskana. Þetta árið verður hinsvegar breyting þar á og verður hátíðin að vikulöngum viðburði sem haldin verður 16.-21. júní. Á hátíðinni keppa helstu barir og veitingastaðir bæjarins um að blanda bestu kokteilana. Skipuleggjendur hátíðarinnar lofa glæsilegri hátíð í sumar, þeirri stærstu og metnaðarfyllstu hingað til.

Ritari vinnur náið með stjórnendateymi skólans og er virkur þátttakandi í skólastarfinu. Starf hans er fjölbreytt. Um er að ræða almenn skrifstofustörf en einnig samskipti við nemendur og foreldra ásamt nánu samstarfi við allt starfsfólk skólans. Ritari ber ábyrgð á að vel sé tekið á móti erindum á skrifstofu skólans og að reynt sé að greiða götu þeirra sem þangað leita. Hann tekur virkan þátt í því að vinna að velferð og vellíðan nemenda.

Bæjarstjórn samþykkti á 34. fundi sínum, 27. mars, tillögu bæjarstjóra um að veita tímabundinn 90% afslátt á gatnagerðargjöldum af byggingum íbúðarhúsnæðis m.v. gjaldskrá 2025 á tilteknum lóðum í Stykkishólmi og að lækkunarheimildin taki gildi eftir samþykkt bæjarstjórnar til og með 31. desember 2025. Skal umsækjandi greiða 100.000 kr. staðfestingargjald fyrir hverja lóð sem sótt er um og er staðfestingargjald óafturkræft verði umsækjanda úthlutað viðkomandi lóð.

Vilt þú vinna úti í fallegu umhverfi og góðu veðri? Sveitarfélagið Stykkishólmur auglýsir eftir kraftmiklu fólki í skemmtileg störf sumarið 2025.

Snæfell mætti Hamar í fjórða leik liðanna í baráttu um sæti í undanúrslitum 1. deildar karla í körfuknattleik miðvikudaginn 9. apríl. Leikurinn fór fram í íþróttamiðstöðinni í Stykkishólmi. Stúkan var full og mikil stemmning í húsinu. Fyrir leikinn hafði Snæfell unnið einn leik en Hamar tvo og því um mikilvægan leik að ræða, en til að tryggja sér sæti í undanúrslitum þarf að sigra þrjá leiki. Lokatölur voru Snæfell 100 - Hamar 88, en heimamenn héldu forystu allan leikinn.

Amtsbókasafnið í Stykkishólmi verður lokaðí dymbilviku og opnar aftur eftir páska.

Guðni Sumarliðason hefur verið ráðinn í starf verkstjóra í áhaldahúsi Stykkishólms sem auglýst var 7. mars sl. Guðni lauk sveinsprófi í bifvélavirkjun árið 2014 frá Borgarholtsskóla. Hann hefur starfað við alhliða bílaviðgerðir hjá Dekk og smur frá árinu 2018, en hann starfaði hjá Toyota á árunum 2016 til 2018. Guðni starfaði hjá Golfklúbbi Akureyrar frá 2015 til 2016 við almennt viðhald golfvalla, sá um umgangi og viðhald ýmissa tækja á golfvellinum. Guðni starfaði sem sumarstarfsmaður hjá Golfklúbbi Reykjavíkur á árunum 2008 til 2014 við almennt viðhald golfvalla, notkun og umgengi tækja.