Fréttasafn

Landsmót Samfés fer fram í Stykkishólmi dagana 7. - .9 október næstkomandi. Á mótinu koma saman ungmenni á aldrinum 13-16 ára frá félagsmiðstöðvum um allt land. Hver félagsmiðstöð getur skrá fjóra þátttakendur til leiks og er búist við að um 300-350 ungmenni sæki mótið í Stykkishólmi. Mótshaldara hverju sinni gefst tækifæri til að kynna sitt sveitarfélag fyrir ungmennum og þá þjónustu og afþreyingu sem þar er í boði. 

Fjórði fundur bæjarstjórnar Stykkishólmsbæjar og Helgafellssveitar fer fram fimmtudaginn 22. september kl. 17:00 í bæjarstjórnarsal.

Nú þegar haustið er gengið í garð er kominn tími á göngur og réttir hjá sauðfjárbænum landsins. Réttað verður í Arnarhólsrétt í Helgafellssveit sunnudaginn 18. september 2022 

Með sameiningu Stykkishólmsbæjar og Helgafellssveitar bættist fjöldi nýrra verkefna á starfsmenn sveitarfélagsins. Unnið er nú að einu slíku en þessar dagana standa starfsmenn Þjónustumiðstöðvar í ströngu við að tæma allar rotþrær í Helgafellssveit. Gert er ráð fyrir að því verkefni verði lokið  fyrir næstu helgi.

Bæjarstjórn Stykkishólmsbæjar og Helgafellssveitar auglýsir eftir styrkumsóknum frá einstaklingum og fyrirtækjum í samræmi við reglur Stykkishólmsbæjar um styrkveitingar. Markmiðið með styrkjum bæjarstjórnar Stykkishólmsbæjar er að styðja við sjálfsprottið starf, starfsemi frjálsra félagasamtaka og framtak einstaklinga sem stuðla að farsælli þróun samfélagsins, menningarlífs, lífsgæðum og fjölbreytilegu mannlífi og öflugu íþrótta- og æskulýðsstarfi.

Unnið er nú að því að bæta aðstöðu knattspyrnuiðkenda á sparkvellinum við íþróttamiðstöðina. Lítill götusópur hefur farið yfir völlinn í þeim tilgangi að sópa upp kurlinu sem hefur reynst mörgum þreytandi. Með því að sópa völlinn og þrífa er vonast til þess að losna við eða draga úr þeirri svertu sem berst í föt knattspyrnuiðkenda.

Heilsuefling 60+ hefst á ný þriðjudaginn 6. september eftir sumarfrí. Fyrsti tími fer fram í íþróttahúsinu kl. 12:30-13:30. Áhugasömum íþróttaiðkendum er bent á facebooksíðu heilsueflingar 60+. En þar má finna tímatöflu og allar helstu upplýsingar.

Helga Guðjónsdóttir atvinnuráðgjafi SSV, Sigursteinn Sigurðsson menningarfulltrúi SSV og Margrét Björk Björnsdóttir fulltrúi áfangastaða- og markaðsstofu Vesturlands verða í Ráðhúsinu í Stykkishólmi þriðjudaginn 6. september kl. 16:00 – 18:00. Áhugasamir eru hvattir til að nýta sér þjónustu þeirra.

Ný og uppfærð vefsíða sameinaðs sveitarfélags Stykkishólmsbæjar og Helgafellssveitar hefur nú verið tekin í gagnið. Með nýrri síðu er leitast eftir því að upplýsingar verði aðgengilegri, viðmót auðveldara og nýjar veflausnir nýttar. Fundargerðir eru nú felldar inn í síðuna og notendum gefin kostur á að vakta málsnúmer. Síðan er unnin upp úr gömlu vefsíðu Stykkishólmsbæjar og á víða eftir að uppfæra texta í kjölfar sameiningar Stykkishólmsbæjar og Helgafellssveitar en það verður gert þegar nafn nýja sveitarfélagsins liggur fyrir.

Félags- og skólaþjónusta Snæfellinga auglýsir laust til umsóknar starf forstöðumanns Ásbyrgis, hæfingar - og vinnustöðvar fólks með skerta starfsgetu. Laun eru samkvæmt kjarasamningi Sambands íslenskra sveitarfélaga og viðkomandi stéttarfélags. Skriflegar umsóknir um starfið er tilgreini menntun, starfsferil og umsagnaraðila ásamt prófskírteini og sakavottorði berist Sveini Þór Elínbergssyni, forstöðumanni Félags- og skólaþjónustu Snæfellinga, sem jafnframt veitir frekari upplýsingar