Bæjarráð

Lögð fram fundargerð 18. fundar skipulagsnefndar.

Lögð frma fundargerð 3. fundar æskulýðs- og íþróttanefndar.

Lagt fram bréf til allra sveitarstjórna frá innviðaráðuneytinu vegna Jöfnunarsjóðs sveitarfélaga og dóms Héraðsdóms Reykjavíkur.

Lögð fram ársskýrsla Brunavarna Stykkishólms og nágrennis fyrir árið 2023.

Skipulagsfulltrúi kemur til fundar við bæjarráð og gerir grein fyrir vinnu við frumdrög deiliskipulags við Hamraenda.

Bæjarstjóri kynnir hugmyndir að skilvirkum og tæknimiðaðum lausnum fyrir gjaldtöku á hafnarsvæði og þeirri vinnu sem innt hefur verið af hendi til þessa.

Lagt fram til kynningar, en fjárhagsleg áhrif endurspeglast í næsta viðauka.

Lögð fram afskriftarbeiðni frá Sýslumanni.

Lögð fram drög að viljayfirlýsingu Húsnæðis- og mannvirkjastofnunar og Sveitarfélagsins Stykkishólmur um fjölgun íbúða og eflingu starfrænnar stjórnsýslu í sveitarfélaginu. Fulltrúi HMS kemur til fundar og gerir grein fyrir markmiðum verkefnisins.

Lagt fram drög að samkomulagi Innviðaráðuneytisins og Húsnæðis- og

mannvirkjastofnun við Sveitarfélagið Stykkishólm um aukið framboð íbúðarhúsnæðis í sveitarfélaginu á tímabilinu 2023-2028 og fjármögnun uppbyggingar hagkvæmra íbúða og félgaslegs húsnæðis.

Lagðar fram leiðbeiningar um mótun þjónustustefnu sveitarfélaga, en með lögum nr. 96/2021 sem tóku gildi í júní 2021 samþykkti Alþingi nýtt ákvæði við sveitarstjórnarlög sem fjallar um þjónustustefnu í byggðum og byggðarlögum sveitarfélags.



Á 16. fundi sínum vísaði bæjarráð málinu til frekari vinnslu í bæjarráði.

Lagðar fram að nýju til afgreiðslu nýjar reglur sveitarfélagsins um úthlutun lóða.

Lagt er til að auglýsa lóðir lausar til úthlutunar í Víkurhverfi.

Lagt fram þakkarbréf frá UMFÍ til sveitarfélagsins og HSH.

Lögð fram umsagnarbeiðni vegna umsóknar Theódóru Matthíasdóttur um tækifærisleyfi til áfengisveitinga vegna ?Þorrablóts? sem halda á í Íþróttahúsinu í Stykkishólmi, 340 Stykkishólmur hinn 3. febrúar 2024.

Lagt fram bréf frá félagi lóðarhafa í Arnarborg varðandi snjómokstur á svæðinu.

Lagðar fram forsendur að frumvarpi til laga um æslulýðs- og íþróttastarf ásamt mati á áhrifum lagasetningar og umsögnum.

Á 15. fundi sínum fól bæjarráð skipulagsfulltrúa að vinna áfram að útfærslu á aðalskipulagsvinnu, þ. á m. hvað varðar ráðgjafa, og kynna fyrir bæjarráði.

Lögð fram að nýju umsókn Hjörleifs Sigurþórssonar, f.h. lóðarhafa Sæmundarreits 8, um óv. br. á deiliskipulagi ásamt ljósmynd sem sýnir hornstiku sólskálans. Einnig er lagt fram álit minjavarðar Vesturlands dags. 22.06.2023 þar sem hann heimilar byggingu sólskála, en húsið nýtur friðunar vegna aldurs sbr. lög um menningarminjar nr. 80/2012.



Á 16. fundi skipulagsnefndar var umsóknin tekin fyrir aftur með uppfærðum uppdrætti þar sem sólskálinn hefur verið færður að húshorni í kjölfar þess að athugasemd við fyrri uppdrætti barst úr grenndarkynninu. Nefndin frestaði þá afgreiðslu málsins og fól skipulagsfulltrúa að láta setja út horn skálans þar sem staðsetning stígs kunni að vera ónákvæm.



Skipulagsnefnd samþykkti svo á 18. fundi sínum framlagða tillögu á óv. br. á deiliskipulagi og fól skipulagsfulltrúa að senda skipulagsbreytinguna til Skipulagsstofnunar í samræmi við 2. mrg. 43. gr. skipulagslaga nr. 123/2010 og birta auglýsingu um gildistöku í B-deild Stjórnartíðinda.

Lögð fram að nýju umsókn lóðarhafa Sæmundarreits 10 um heimild til þess að vinna óv. br. á deiliskipulagi Reitarvegs. Fyrirhuguð breyting felst í stækkun á lóð úr 100 m2 í 130 m2 til norðurs og breytingu á 32 m2 hjalli í allt að 50 m2 íbúðarhús, listamannaskála.



Gert er ráð fyrir að húsið verði með svipuðu sniði og framlagðir uppdrættir frá Húsasmiðjunni en með lægri mænishæð eða svipaðri og núv. hjallur. Á lóðinni er gert ráð fyrir timburpalli og heitum potti.



Málið var áður á dagskrá 15. og 16. fundar skipulagsnefndar og var afgreiðlu þess frestað í bæði skiptin og skipulagsfulltrúa falið að kalla eftir nákvæmari gögnum til skoðunar.



Skipulagsnefnd taldi, á 18. fundi sínum, umsókn um breytingu á hjalli í íbúðarhús ekki vera í samræmi við þá stefnu sem sett er fram í gildandi deiliskipulagi og lagði áherslu á að á lóðinni verði áfram hjallur enda falli sú notkun vel að framtíðarhugmyndum um útivistarsvæði á Ytri höfða.

Lögð fram uppfærð húsnæðisáætlun fyrir árið 2024.

Lögð fram samantekt athugasemda úr grenndarkynningu vegna tillögu að óv. br. á deiliskipulagi miðbæjar Stykkishólms frá 2003 m.s.br. frá 2017 vegna Aðalgötu 16 ásamt svörum skipulagsnefndar. Einnig er lagður fram uppfærður uppdráttur (dags. 09.01.2023) með stækkun á byggingarreit um 5,2 m2 vegna lagnarýmis og stækkun á lóð Aðalgötu 14 að stíg.



Á 18. fundi sínum samþykkti skipulagsnefnd fyrir sitt leyti fyrirliggjandi svör við athugasemdum og að heimila minniháttar stækkun á byggingarreit fyrir lagnarými og þar með framlagða tillögu að óv. br. á deiliskipulagi. Nefndin fólskipulagsfulltrúa að tilkynna þeim sem gerðu athugasemdir um niðurstöðu nefndarinnar.

Lögð fram skipulagslýsing fyrir breytingu á Aðalskipulagi Helgafellssveitar 2012-2024 vegna breyttrar landnotkunar á hluta Birkilunds í landi Saura.



Breytingin tekur til 2,8 ha svæðis sem tekur til sameinaðra lóða nr. 21, 21a, 22, 22a og 23 í Birkilundi og felst í breytingu á landnotkun úr frístundabyggð og landbúnaðarsvæði í verslun og þjónustu. Á svæðinu stendur til að reisa allt að fimmtán 35 m2 rekstrarleyfisskyld útleiguhús. Samhliða þessari breytingu er verið að vinna ny´tt deiliskipulag fyrir umrætt svæði.



Á 14. fundi skipulagsnefndar, þann 11.10.2023, samþykkti nefndin að sameina lóðirnar í eina lóð og að lóðin verði hluti deiliskipulags í vinnslu. Afgreiðsla nefndarinnar var staðfest á 15. fundi bæjarráðs.



Skipulagsnefnd samþykkti á 18. fundi sínum, að auglýsa skipulagslýsingu vegna breytingar á Aðalskipulagi Helgafellssveitar 2012-2024 í samræmi við 1. mgr. 30. gr. skipulagslaga nr. 123/2010 með þeim minniháttar breytingum sem samþykktar voru á fundinum.

Lögð fram samantekt athugasemda við skipulagslýsingu vegna fyrirhugaðrar uppbyggingar á Saurum 9 (Vigraholti) ásamt viðbrögðum skipulagsnefndar við þeim.



Lýsingin var kynnt 7. nóvember sl. með athugasemdafresti til og með 5.desember. Opinn kynningarfundur var haldinn 22. nóvember sl.



Skipulagsnefnd samþykkti á 18. fundi sínum framlagða samantekt og tillögu skipulagsfulltrúa að svörum nefndarinnar við þeim. Nefndin fól skipulagsfulltrúa að vinna málið áfram með landeiganda í samræmi við niðurstöðu nefndarinnar.

Lagt fram umsókn um stofnun fjögurra íbúðarhúsa og þriggja frístundahúsa í landi Saura 9 (Vigraholti) með breyttri staðsetningu frístundahúsa.



Á 14. fundi skipulagsnefndar þann 11. október sl. samþykkti nefndin umsókn Vigraholts ehf. um stofnun fjögurra íbúðarhúsalóða og þriggja frístundahúsalóða í landi Saura 9 (Vigraholts) á grunni gildandi aðalskipulags í samræmi við 48. gr. skipulagslaga nr. 123/2010 og 12. gr. laga um skráningu og mat fasteigna nr. 6/2001 og í samræmi við framlagðan uppdrátt. Jafnframt bókaði nefndin að liggi ekki fyrir undirritað samþykki eigenda aðliggjandi jarða og/eða landsspilda, skuli grenndarkynna fyrirhugaða stofnun lóða. Afgreiðsla nefndarinnar var staðfest á 15. fundi bæjarráðs og 18. fundi bæjarstjórnar.



Skipulagsnefnd samþykkti á 18. fundi sínum að grenndarkynna stofnun fjögurra íbúðarhúsalóða og þriggja frístundahúsalóða í samræmi við framlagðan uppdrátt. Grenndarkynna skal íbúðarhúsalóðir fyrir landeigendum Saura og Norðuráss og frístundahúsalóðir fyrir landeigendum Þingskálaness í samræmi við 44. gr. skipulagslaga nr. 123/2010.

Lagt fram að nýju erindi frá Kvenfélaginu Hringnum þar sem sveitarfélaginu er boðið að ganga til samninga um kaup á húsnæði félagsins, Freyjulundi, í Hólmgarði.

Lagt fram að nýju erindi frá Skipavík ehf. sem óskar eftir að fá svæði í Víkurhverfi til úthlutunar og uppbyggingar til að tryggja samfellu í starfsemi félagsins.



Bæjarráð fól, á 13. fundi sínum, bæjarstjóra að skoða samstarf við byggingaraðila á afmörkuðum svæðum í Víkurhverfi með það að markmiði að hraða uppbyggingu og vísaði málinu til frekari vinnslu í bæjarráði.



Ívar Pálsson, lögfræðingur, gerir grein fyrir þeim valmöguleikum og áherslum sem koma til greina.

Lögð fram starfslýsing byggingarfulltrúa. Lagt er til að staðan verði auglýst laus til umsóknar og að bæjarstjóra verði falið að ganga frá auglýsingu um stöðuna í samráði við ráðgjafa sveitarfélagsins í starfsmannamálum.

Lögð fram uppfærð drög að samning við Acadian Seaplants, ásamt tillögum félagsins að endanlegum samningi. Ívar Pálsson, lögmaður, gerir grein fyrir stöðu málsins.

Í samræmi við fjárhagsáætlun sveitarfélagsins eru málefni vegna endurbóta félagsheimilsins Skjaldar tekin til umræðu sem og fyrirhuguð umsjón með húsnæðinu næsta sumar.

Lögð er fram skipulagslýsing vegna tillögu að breytingu á Aðalskipulagi Stykkishólms 2002-2022 í samræmi við 36. gr. skipulagslaga nr. 123/2010 með vísun í 30. .gr. laganna og tillögu að nýju deiliskipulagi fyrir reitinn í samræmi við 1. mgr. 40. gr. laganna ásamt breytingu á mörkum deiliskipulags fyrir miðbæ, austan Aðalgötu.

Í gildandi aðalskipulagi er reiturinn skilgreindur sem athafnasvæði en verður eftir breytingu skilgreindur sem verslun og þjónusta. Ekki er til deiliskipulag sem tekur til Aðalgötu 1 og Austurgötu 1 en Austurgata 2 er innan deiliskipulags miðbæjar austan Aðalgötu.

Lagt fram erindi frá Skipavík þar sem óskað er eftir samstarfi um uppbyggingu á einni lóð í Víkurhverfi með það að markmiði að tryggja samfellu í uppbyggingu í sveitarfélaginu og stöðuleika í starfsemi félagsins í ljósi þeirrar óvissu sem fyrir hendi er varðandi úthlutun lóða og tímaramma á afgreiðslu erindis félagsins í ágúst 2023, en samfella í húsnæðisuppbyggingu og samfylgni við íbúafjölgun mikilvæg undirstaða framþróunar í sveitarfélaginu.

Lögð fram drög að fundaáætlun bæjarráðs og bæjarstjórnar fyrri huta árs 2024