Bæjarráð

Lögð fram fundargerð 8. fundar hafnarstjórnar.

Lögð fram fundargerð 20. fundar skóla- og fræðslunefndar.

Lögð fram fundargerð 8. fundar ungmennaráðs.

Lögð fram fundargerð 2. fundar bæjarstjórnar unga fólksins.

Lögð fram fundargerð stjórnarfundar Jeratúns ehf. frá 25. apríl 2025 ásamt ársreikningi fyrir árið 2024.

Lögð fram umsókn Ferjuleiða ehf. um 20 ft. skrifstofugám við ekjubrú á hafnarsvæði.



Bæjarráð fól, á 32. fundi sínum, hafnarstjórn fullnaðarumboð til ákvörðunar á staðsetningu. Bæjarráð fól jafnframt byggingarfulltrúa afgreiðslu málsins í kjölfarið. Þá hvatti bæjarráð Ferjuleiðir ehf. að finna framtíðarlausn sem fellur betur að umhverfinu.



Hafnarstjórn tók, á 5. fundi, undir með bæjarráði varðandi mikilvægi þess að finna viðunandi framtíðarlausn.



Hafnarstjórn hafði efasemdir um að sú staðsetning sem lögð er til í erindinu sé heppileg út frá umferðaröryggi og öðrum þáttum miðað við umfang starfsemi hafnarinnar á þessu svæði á sumrin. Hafnarstjórn gat því ekki samþykkt þá staðsetningu.



Hafnarstjórn taldi fara best á því að staðsetja skrifstofugám á bílastæðum norðanmegin við Smiðjustíg 3, gegn því að fundið verði sanngjarnt verð fyrir leigu á aðstöðu til viðbótar stöðuleyfisgjald þar sem það liggur fyrir að sveitarfélagið verður af tekjum af þeim bílastæðum sem fara undir skrifstofuhúsnæðið. Einnig þarf fyrirtækið að standa undir þeim kostnaði sem þarf til að nýta megi svæðið. Að öðrum kosti taldi hafnarstjórn að nýta þurfi núverandi skilgreint þjónustusvæði undir skrifstofugám. Á þessum forsendum samþykkti hafnarstjórn staðsetningu fyrir stöðuleyfi á hafnarsvæðinu út september 2025.



Hafnarstjórn fól formanni að taka samtal við ferjuleiðir og byggingarfulltrúa varðandi niðurstöðu hafnarstjórnar og eftir atvikum heimild til færslu á skrifstofugám innan svæðanna ef framangreindar staðsetningar eru með öllu óásættanleg með tilliti til ytri þátta.

Lagt fram erindi frá verkefnastjóra Umhverfisvottunar Snæfellsness. Á 31. fundi sínum vísaði bæjarráð málinu frekari vinnslu og óskaði eftir kynningu á verkefninu frá verkefnisstjóra. Guðrún Magnea Magnúsdóttir, verkefnastjóri Umhverfisvottunar, kemur til fundar við bæjarráð og gerir grein fyrir málinu.

Lagðar fram tillögur að framtíðarnýtingu húsnæðis Grunnskólans í Stykkishómi.



Farið var yfir hugmyndir af framtíðarnýtingu húsnæðis Grunnskólans á 20. fundi skóla- og fræðslunefndar. Nefndin styður tillögur á nýtingu húsnæðis skólans en taldi jafnframt kominn tíma á að fara í úrbætur á heimilisfræðistofu.

Á 19. fundi skóla- og fræðslunefndar var lögð fram skýrsla Ásgarðs skólaráðgjafaþjónustu vegna úttektar á úthlutun á kennslumagni og sérkennslu/stuðningi við Grunnskólanum í Stykkishólmi í samræmi við tillögur og hugmyndir í stefnumörkun og áherslum sveitarfélagsins í fjárhagsáætlun 2025. Samþykktar voru tvær aðgerðir á fundinum sem bæjarstjórn staðfesti á 34. fundi sínum.



Á 20. fundi nefndarinnar voru lagðar fram tillögur að kennslukvóta og úrbótum fyrir skólaárið 2025-2026.

Skóla- og fræðslunefnd samþykkti, fyrir sitt leyti, tillögur að kennslukvóta og úrbætur fyrir skólaárið 2025-2026.

Lögð fram drög að skóladagatali Grunnskólans í Stykkishólmi 2025-2026.



Skóla- og fræðslunefnd samþykkti, á 20. fundi sínum, skóladagatal Grunnskólans fyrir sitt leyti.

Lögð fram drög að skóladagatali Leikskólans í Stykkishólmi 2025-2026.



Skóla- og fræðslunefnd samþykkti, á 20. fundi sínum, skóladagatal Leikskólans fyrir sitt leyti.

Lögð fram drög að skóladagatali Grunnskólans í Stykkishólmi 2025-2026.



Skóla- og fræðslunefnd samþykkti, á 20. fundi sínum, skóladagatal tónlistarskólans fyrir sitt leyti.

Lagðar fram tillögur að viðbyggingu við Aðalgötu 8 ásamt minnisblaði skipulagsfulltrúa vegna málsins.

Formaður hafnarstjórnar gerði á fysta fundi hafnarstjórnar grein fyrir hugmyndum um að fjölga bátum í Maðkavík og fegra svæðið sem er vaxandi ferðamannaparadís. Málið var tekið til umræðu á 5. fundi hafnarstjórnar.



Hafnarstjórn taldi að starfsfólk áhaldahúss og vinnuskóla, í samstarfi við starfsfólk eignasjóðs eða hafnarsjóðs, sé vel til þess fallið til að mála og ditta að þeim bátum sem þar liggja í sumar.

Lögð fram umsókn um stöðuleyfi fyrir matarvagninn Agnið á hafnarsvæðinu á Stykkishólmi.



Hafnarstjórn gerði, á 5. fundi sínum, ekki athugasemd við umbeðið stöðuleyfi og vísaði málinu til afgreiðslu hjá byggingarfulltrúa.

Lögð fram umsókn um stöðuleyfi fyrir fish and chips matarvagn á hafnarsvæðinu á Stykkishólmi.



Hafnarstjórn gerði, á 5. fundi sínum, ekki athugasemd við umbeðið stöðuleyfi og vísaði málinu til afgreiðslu hjá byggingarfulltrúa.

Lögð fram að nýju gjaldskrá Stykkishólmshafnar 2025 vegna formgalla sem leyndist í gjaldskránni þegar hún var samþykkt á síðasta ári. Lagt er til að b-liður 18 greinar verði felldur út.

Hafnarstjórn samþykkti tillöguna á 5. fundi sínum.

Lagt fram erindi Kristjáns Sveinssonar vegna uppbyggingar á Nesvegi 12, en byggingarfulltrúi samþykkti byggingaráform Nesvegar 12 í júní 2024.

Fulltrúar bæjarstjórnar unga fólksins tóku, á 2. fundi sínum, mötuneytismál í Fjölbrautaskóla Snæfellinga til umræðu.



Bæjarstjórn unga fólksins taldi matarverð í mötuneyti Fjölbrautaskóla Snæfellinga of hátt og að maturinn skorti fjölbreytileika. Bæjarstjórn unga fólksins hvatti bæjarstjórn til þess að beita sér fyrir lækkun á verði máltíða til nemenda í Fjölbrautaskóla Snæfellinga og auknum fjölbreytileika í matarvali.

Lögð fram húsnæðisáætlun sveitarfélagsins í tengslum við vinnu við gerð áætlunar fyrir árið 2025.

Fulltrúar bæjarstjórnar unga fólksins tóku, á 2. fundi sínum, samgöngumál til umræðu.



Bæjarstjórn unga fólksins hvatti bæjarstjórn Stykkishólms til að beita sér fyrir því að ferðum í skólaakstri Fjölbrautarskóla Snæfellinga verði fjölgað, m.a. til að auka valmöguleika nemenda til þess að komast heim, og að verð rútumiða verði lækkað.

Fulltrúar bæjarstjórnar unga fólksins tóku, á 2. fundi sínum, ástand og stöðu knattspyrnuvalla til umræðu.



Bæjarstjórn unga fólksins lagði til að nýtt gervigras verði sett á sparkvöllinn og að hafinn verði undirbúningur að lagningu tartans á hlaupabraut á íþróttavelli, en tartan mun koma til með að auka nýtingu allra bæjarbúa til heilsueflingar.

Á 24. fundi bæjarráðs var samþykkt að útbúnar verði reglur um kostnaðarþátttöku sveitarfélagsins í þessum málaflokki áður en aðrar umsóknir verði teknar til afgreiðslu.



Málefnið tekið til umfjöllunar í bæjarráði.

Fulltrúar bæjarstjórnar unga fólksins tóku, á 2. fundi sínum, gangstéttamál í sveitarfélaginu til umræðu.



Bæjarstjórn unga fólksins vakti athygli á að gangstéttar í sveitarfélaginu geta skapað víða hættu og torveldað eldra fólki og fötluðum einstaklingum að nýta gangstéttar í sveitarfélaginu. Bæjarstjórn unga fólksins taldi brýnt, sérstaklega í því ljósi, að flýta endurnýjun gangstétta í sveitarfélaginu.

Fulltrúar bæjarstjórnar unga fólksins tóku, á 2. fundi sínum, ástand gatnakerfis í sveitarfélaginu til umræðu.



Bæjarstjórn unga fólksins hvatti bæjarstjórn til þess að herða á uppbyggingu á þeim götum sveitarfélagsins sem eru holóttar og að þrýst verði á Vegagerðina að malbika Aðalgötu frá Bónus og út úr bænum sem fyrst.

Lögð fram drög að kerfisáætlun Landsnets, ásamt framkvæmdaáætlun og umhverfismatsskýrslu, sem nú er í opnu umsagnarferli sem stendur til 31. maí.

Lagt fram óformlegt tilboð í íbúð við Skúlagötu 9, ásamt tengdum gögnum. Á 31. fundi bæjarráðs fól bæjarráð bæjarstjóra að ganga til samninga með vísan til fyrirliggjandi gagna og leggja samning fyrir bæjarráð. Lögð eru fram drög að samning. Bæjarráð lagði, á 32. fundi sínum, til við bæjarstjórn að bæjarráði verði veitt fullnaðarumboð til töku ákvörðunar um sölu á íbúðinni.



Bæjarstjórn veitti, á 35. fundi sínum, bæjarráði fullnaðarumboð til töku ákvörðunar um sölu á íbúðinni.



Lagt fram kauptilboð til samþykktar.

Lögð fram ósk Mílu eftir framkvæmdaleyfi vegna lagningar ljósleiðara í Stykkishólmi.



Áætlaður verktími eru 15-20 vinnudagar og gert ráð fyrir að hefja framkvæmdir um mánaðarmót júlí/ágúst 2025.

Lögð fram tillaga félags atvinnulífs í Stykkishólmi að nýju sveitarfélagsskilti.

Á 36. fundi bæjarstjórnar var lögð fram til fyrri umræðu tillaga Félags- og skólaþjónusu Snæfellinga að sameiginlegum reglum sveitarfélaga á Snæfellsnesi um stuðningsþjónustu.



Bæjarstjórn vísarði reglunum til síðari umræðu í bæjarstjórn.

Lagður fram ársreikningur sveitarfélagsins fyrir árið 2024.



Bæjarstjórn samþykkti á 36. fundi sínum að vísa ársreikningi sveitarfélagsins til síðari umræðu í bæjarstjórn.

Lögð fram tilkynning um að töf verður á því að Breiðafjarðarferjan Baldur hefji siglingar, en áætlanir gera ráð fyrir því að hann muni hefja siglingar 20. maí næstkomandi.

Lögð fram umsagnarbeiðni og rafræn umsókn Glapræðis ehf. um tækifærisleyfi til áfengisveitinga vegna Tónlistarhátíðarinnar Sátunnar 2025 sem halda á í Íþróttahúsi Stykkishólms, Borgarbraut 4,5.-8. júní 2025.