Fréttasafn

48. fundur bæjarstjórnar Stykkishólms fer fram fimmtudaginn 7. maí kl. 17:00 á Amtsbókasafninu í Stykkishólmi. Tvö mál eru á dagskrá fundar en það síðara er Ársreikningur sveitarfélagsins fyrir árið 2025.  Venju samkvæmt verður bæjarstjórnarfundi streymt í beinni útsendingu en að lokinni kynningu á ársreikning, umræðum og afgreiðslu hans  verður bæjarstjórnarfundi slitið og útsendingu fundar hætt. Þá gefst íbúum kostur á því að spyrja eða leggja til athugasemdir vegna ársreikningsins.

Rekstur Sveitarfélagsins Stykkishólms skilar umtalsverðum hagnaði samkvæmt ársreikningi 2025, sem tekinn var til fyrri umræðu á bæjarstjórnarfundi 30. apríl 2026. Ársreikningurinn endurspeglar traustan rekstur sem hefur styrkst verulega milli ára.

Sveitarfélagið Stykkishólmur leitar eftir hressum og ábyrgum einstaklingum við aðstoð á leikjanámskeiði fyrir börn á aldrinum 6-9 ára. Starfstímabil er frá 8. til 27. júní. Hæfniskröfur: Viðkomandi þarf að vera góð fyrirmynd og sýna stundvísi og vinnusemi.

Framkvæmdir við Stykkishólmsveg eru hafnar. Búið er að fræsa slitlag ofan af veginum frá afleggjara á Búðanesveg og uppúr bænum en nú í sumar verður vegurinn endurbættur og breikkaður fram yfir Þingvallaafleggjara.  Framkvæmdirnar ná yfir um 3,4 kílómetra kaflaog fela í sér breikkun og styrkingu vegar, nýlögn ræsa og nýlögn á bundnu slitlagi. Gert er ráð fyrir að vegurinn verði 8 metra breiður, með tveimur 3,5 m breiðum akbrautum og 0,5 m breiðum öxlum.

Átakið hjólað í vinn­una hest 1. maí og stendur út mánuðuinn. Það er Íþrótta- og Ólymp­íu­sam­band Íslands sem stýr­ir heilsu- og hvatn­ing­ar­verk­efn­inu nú í 24. sinn. Fyrirtæki og stofnanir eru hvött til að skrá vinnustaðinn til leiks og hvetja þannig allt starfsfólk til að vera með. Nauðsynlegt er fyrir vinnustaði landsins að huga vel að starfsandanum og er verkefnið góð leið til þess að hressa upp á stemninguna og þjappa hópnum saman.

Leikskólastjórnendur minna á að í innritunarreglum leikskólans kemur fram að umsókn þurfi að liggja fyrir í síðasta lagi 1. maí ef óskað er eftir leikskóladvöl að hausti. Leikskólastjórnendur hvetja því foreldra sem þetta gæti átt við, til að huga að umsóknum.

Vegna viðhaldsvinnu verður lokað fyrir útilaug, vaðlaug og klórpott í Sundlaug Stykkishólms mánudaginn 4. maí. Opið verður fyrir innilaug, sauna- og innfrarauðaklefann, kalda pottinn og heilsupottinn.

47. fundur bæjarstjórnar Stykkishólms fer fram fimmtudaginn 30. apríl 2026 kl. 17:00 í bæjarstjórnarsal. Smelltu á hnappinn hér að neðan til að kynna þér dagská fundar.

Verkalýðsdagurinn verður haldinn hátíðlegur 1. maí um land allt eins og vant er. i Verkalýðsfélag Snæfellinga, Kjölur og Sameyki standa fyrir hátíðahöldum á Snæfellsnesi. Dagskráin hefst í Stykkishólmi verður haldin á Fosshótel Stykkishólmi og hefst kl. 13:30.

Sveitarfélagið Stykkishólmur hyggst bjóða íbúum að rækta kartöflur í kartöflugörðum við Heljarmýri í sumar. Til að hægt sé að undirbúa svæðið og plægja garða eftir þörfum eru áhugasamir beðnir um að láta vita ef þeir hafa hug á að nýta sér garðana. Áhugasamir geta látið vita af sér með því að senda póst á stykkishomur@stykkisholmur.is eða hafa samband við Ráðhúsið í síma 433-8100.