Fréttasafn

Aðalfundur Krabbameinsfélags Snæfellsness verður haldinn mánudaginn 11. mars kl. 20:00 í Sögumiðstöðinni í Grundarfirði. Allir hjartanlega velkomnir.

Samtök sveitarfélaga á Vesturlandi auglýsa nú fundaröð um framtíðarmöguleika Breiðafjarðar. Fundirnir bera yfirskriftina Framtíðarmöguleikar Breiðafjarðar - leit að jafnvægi milli verndar og nýtingar.  Fyrsti fundur verður haldinn mánudaginn 11. mars, kl. 17:00 - 19:30 á Fosshótel Stykkishólmi.

Helstu fréttir eru komnar út. Blaðinu er ætlað að bæta upplýsingaflæði frá sveitarfélaginu og ná til þeirra sem ekki nota tölvur. Stór hluti markhópsins er eldra fólk en blaðið liggur frammi á Höfðaborg og Systraskjóli.

Mikilvægasti leikur Snæfells á þessu tímabili fer fram næstkomandi föstudag, 8. mars kl. 19:15. Til að halda áfram göngu sinni í 1. deild þarf liðið á sigri að halda. Velunnarar Snæfells bjóða öllum frítt á leikinn og því um að gera að fjölmenna á pallana og hvetja strákana áfram. Hamborgarasala verður á staðnum og því óþarfi að hafa áhyggjur af kvöldmatnum.

Þann 29. febrúar sl, samþykkti bæjarstjórn að kynna vinnslutillögu breytingar á Aðalskipulagi Helgafellssveitar 2012-2024 vegna fyrirhugaðrar frístundabyggðar, íbúðarbyggðar og verslunar og þjónustu á Saurum 9 (Vigraholti) í samræmi við 2. mgr. 30. gr. skipulagslaga nr. 123/2010. Skipulagslýsing var auglýst 7. nóvember til 5.desember 2023 með kynningafundi 22. nóvember. Athugasemdir sem bárust hafa verið hafðar til hliðsjónar við gerð vinnslutillögunnar sem nú er kynnt.

Snemma í febrúarmánuði gáfu lögmenn ríkisins, fyrir hönd fjármála- og efnahagsráðherra, út kröfur fyrir hönd ríkisins um þjóðlendur á eyjum, skerjum og hólmum innan landhelginnar. Súgandisey og Landey eru meðal þeirra eyja sem ríkið gerir tilkall til auk flestra annarra eyja á Breiðafirði. Mikil umræða hefur átt sér stað og kröfurnar vakið hörð viðbrögð víða.

Þann 8. maí næstkomandi ætlar ungmennaráð sveitarfélagsins að halda bæjarstjórnarfund unga fólksins. Á fundinum mun ungmennaráð kynna mál fyrir bæjarfulltrúum. Ráðið óskar því eftir hugmyndum að málefnum frá íbúum sem hægt væri að taka fyrir á fundinum. Hér að neðan er hlekkur að könnun þar sem aðeins er beðið um aldur og hugmynd af málefni. Fólk á öllum aldri er hvatt til að svara könnuninni.

Bæjarstjórn Stykkishólms auglýsir eftir styrkumsóknum frá einstaklingum og fyrirtækjum í samræmi við reglur um styrkveitingar. Markmiðið með styrkjum bæjarstjórnar Stykkishólms er að styðja við sjálfsprottið starf, starfsemi frjálsra félagasamtaka og framtak einstaklinga sem stuðla að farsælli þróun samfélagsins, menningarlífs, lífsgæðum og fjölbreytilegu mannlífi og öflugu íþrótta- og æskulýðsstarfi. Almennar styrkveitingar skv. 3. gr. fara fram tvisvar á ári, á fundum bæjarstjórnar í mars/apríl og október/nóvember.

22. fundur bæjarstjórnar Stykkishólms fer fram fimmtudaginn 29. febrúar kl. 17:00 í bæjarstjórnarsal. Smelltu á hnappinn hér að neðan til að kynna þér dagská fundar.

Sinfóníuhljómsveit Íslands kemur í Stykkishólm og heldur glæsilega tónleika í íþróttahúsinu fimmtudagskvöldið 7. mars kl. 19.30. Dagskrá tónleikanna skartar þremur verkum eftir höfuðtónskáld klassíska tímans en auk þess hljóma þrjú hugljúf íslensk lög í flutningi hljómsveitarinnar og sameinaðra kóra á Snæfellsnesi. Kórinn skipa um 80 söngvarar úr Kirkjukór Ólafsvíkurkirkju, Kirkjukór Grundarfjarðarkirkju, Karlakórnum Kára, Kirkjukór Ingjaldshólskirkju, Karlakórnum Heiðbjörtu, Kvennasveitinni Skaða og Kirkjukór Stykkishólmskirkju. Á tónleikunum hljómar einnig hinn ljúfi og glaðlegi C-dúr sellókonsert Josephs Haydn þar sem Steiney Sigurðardóttir fer með einleikshlutverkið og að lokum flytur hljómsveitin 7. sinfóníu Beethovens sem er full af fegurð, lífsgleði og krafti. Stjórnandi er aðalhljómsveitarstjóri Sinfóníuhljómsveitar Íslands, Eva Ollikainen. Aðgangur að tónleikunum er ókeypis og eru öll velkomin.