Gjaldskrár 2026

Bæjarráð samþykkir gjaldskrár og vísar þeim til fyrri umræðu í bæjarstjórn.

Bæjarstjóri gerir grein fyrir helstu forsendum og áherslum í fyrirliggjandi gjaldskrám.

---

Bæjarstjórn samþykkir gjaldskrár fyrir Sveitarfélagið Stykkishólms fyrir 2026 og vísar þeim til frekari umfjöllunar í bæjarráði, umsagnar í fastanefndum og til síðari umræðu í bæjarstjórn.

Samþykkt samhljóða.

Bæjarráð vísar málinu til frekari vinnslu í bæjarráði.

Skóla- og fræðslunefnd hvetur til að skoðað verði að veita börnum einstæðra foreldra afslátt af skólagjaldi í tónlistarskólanum, enda gildir slíkur afsláttur bæði í leikskóla og í Regnbogalandi. Að öðru leyti er gjaldskráin samþykkt af hálfu nefndarinnar.

Safna- og menningarmálanefnd óskar eftir að tölur verði rúnaðar þar sem við á. Að öðru leyti gerir safna- og menningarmálanefnd ekki athugasemd við fyrirliggjandi gjaldskrár.

Æskulýðs og íþróttanefnd leggur til að staka gjaldið fyrir sundferð hjá fullorðnum verði hækkað upp í 1750. Eins leggur nefndin til hækkun á 10 miða korti upp í 12500 kr. Leggur nefndin þess í stað til að fjölskyldu árskortin verði ekki hækkuð.

Miklar framkvæmdir hafa átt sér stað við sundlaugina og aðbúnaður bættur til muna og fagnar nefndin því.

Æskulýðs- og íþróttanefnd gerir að öðru leyti ekki athugasemdir við fyrirliggjandi gjaldskrár.

Atvinnu- og nýsköpunarnefnd hefur ekki athugasemd við fyrirliggjandi gjaldskrár.

Umhverfis- og náttúruverndarnefnd gerir ekki athugasemd við fyrirliggjandi gjaldskrár.

Bæjarráð samþykkir gjaldskrár og vísar þeim til afgreiðslu í bæjarstjórn.

Hafnarstjórn samþykkir að bæta við gjaldflokk í bryggjugjaldi þar sem gjald verði tekið 5 kr. pt. BT af öllum skipum á ankeri sem nota flotbryggjur. Hafnarstjórn samþykkir janframt að breyta gjaldtöku á rafmagnsölu þannig að það sé selt með 15% álagi skv. taxta raf- og dreifiveitna. Þá samþykkir hafnarstjórn að hækka rafmagnstengigjald í kr. 6.000.

Hafnarstjórn samþykkir gjaldskrá Stykkishólmshafnar, með áorðnum breytingum, og leggur til við bæjarstjórn að samþykkja hana.

Hafnarstjórn gerir ekki athugasemd að öðru leyti við fyrirliggjandi gjaldskrár.

Öldungarráð fagnar því að gert sér ráð fyrir hækkun á tekjutengdum afslætti vegna fasteignaskatts á íbúðarhúsnæði til handa eldra fólki í sveitarfélaginu (tekjustofnanir voru hækkaðir um 5% og hámarksafsláttur var hækkaður um 8%), en afslátturinn gildir einunigs vegna eigin húsnæði sem viðkomandi býr í. Mun afslátturinn koma sér vel fyrir það eldra fólk sem á rétt á tekjutengdri lækkun á fasteignaskatti miðað við tekjur á skattframtali. Þessi viðbótarafsláttur kemur til viðbótar við fyrirhugaða almenna lækkun á fasteignaskatti.

Öldunarráð hvetur Félags- og skólaþjónustu til að kynna væntanlega nýja gjaldskrá sem fyrst fyrir eldra fólki í sveitarfélaginu.

Öldungarráð samþykkir að verð fyrir gjaldslátt verði kr. 6.500, 8.500 og kr. 10.000.

Öldungarráð gerir að öðru leyti ekki athugasemd við fyrirliggjandi gjaldskrá.

Lagðar eru fyrir bæjarstjórn til síðari umræðu gjaldskrár sveitarfélagsins 2026, en gjaldskrár hafa verið til umfjöllunar í fastanefndum bæjarins undanfarnar vikur.

Bæjarráð samþykkti á síðasta fundi sínum gjaldskrár Sveitarfélagsins Stykkishólms fyrir árið 2026 og vísaði þeim til síðari umræðu í bæjarstjórn.

Álagningarstuðull fasteignaskatta á íbúðarhúsnæði lækkar og verður 0,38% á árinu 2026. Álagningarprósenta lóðarleigu íbúðarhúsnæðis lækkar jafnframt og verður 0,95%. Álagningarprósenta holræsagjalds húseigna í A-flokki (íbúaðarhúnsæði) lækkar jafnframt og verður 0,15%.

Álagningastuðull fasteignaskatta á atvinnuhúsnæði lækkar og verður 1,50%. Álagningarprósenta lóðarleigu atvinnuhúsnæðis lækkar jafnframt og verður 1,99%. Álagningarprósenta holræsagjalds húseigna í C-flokki (atvinnuhúsnæði) lækkar einnig og verður 0,15%.

Álagningarhlutfall úrsvars er 14,97% 2026 og er því óbreytt.

---

Forseti bæjarstjórnar ber upp eftirfarandi tillögu um fasteignaskatta,lóðarleigu,holræsagjald og úrgangshirðugjöld:

Fasteignaskattur A-flokkur 0,38%. Fasteignaskattur B-flokkur 1,32%. Fasteignaskattur C-flokkur 1,50%.

Lóðaleiga íbúðarhúsnæðis 0,95%. Lóðarleiga atvinnuhúsnæðis 1,99%.Lóðarleiga ræktunarland 6,00%.

Fráveitugjald íbúðarhúsnæði 0,15%. Fráveitugjald atvinnuhúsnæði 0,18%.

Úrgangshirðugjald pr. íbúð 81.120 kr. (fjórartunnur) 89.440 (þrjár tunnur ein tvískipt) Úrgangshirðugjald sumarhús 40.560. Gjalddagar fasteignagjalda verði 9 frá 1. febrúar til og með 1. október.

Bæjarstjórn samþykkir tillögu um fasteignagjöld og aðrar álögur.
Samþykkt samhljóða.


Forseti bæjarstjórnar ber upp tillögu að afslátt vegna fasteignaskatts á íbúðarhúsnæði í samræmi við fyrirliggjandi gögn sem felur í sér að elli- og örorkulífeyrisþegar fá aukna lækkun á fasteignaskatti miðað við tekjur á skattframtali. Afslátturinn fer eftir tekjuupphæð og gildir vegna eigin húsnæði sem viðkomandi býr í.

Bæjarstjórn samþykkir samhljóða tillögu um afslátt vegna afsláttar af fasteignaskatti.



Forseti bæjarstjórnar ber gjaldskrá Stykkishólmshafnar fyrir árið 2026 upp til atkvæða.
Bæjarstjórn samþykkir samhljóða gjaldskrá Stykkishólmshafnar fyrir árið 2026.


Forseti bæjarstjórnar ber gjaldskrá fyrir garðslátt fyriraldraðra og öryrkja árið 2026 upp til atkvæða.

Bæjarstjórn samþykkir samhljóða gjaldskrá fyrir garðslátt árið 2026.


Forseti bæjarstjórnar ber gjaldskrá fyrir slökkvilið fyrir árið 2026 upp til atkvæða.

Bæjarstjórn samþykkir samhljóða gjaldskrá fyrir slökkvilið árið 2026.



Forseti bæjarstjórnar ber gjaldskrá fyrir fráveitu og rotþróargjald fyrir árið 2026 upp til atkvæða.

Bæjarstjórn samþykkir gjaldskrá fyrir fráveitu árið 2026.
Samþykkt samhljóða.


Forseti bæjarstjórnar ber gjaldskrá fyrir hunda- og kattahald fyrir árið 2026 upp til atkvæða.

Bæjarstjórn samþykkir samhljóða gjaldskrá fyrir hunda- og kattahald árið 2026.


Forseti bæjarstjórnar ber gjaldskrá fyrir úrgangshirðu fyrir árið 2026 upp til atkvæða.

Bæjarstjórn samþykkir samhljóða gjaldskrá fyrir úrgangshirðu árið 2026.


Forseti bæjarstjórnar ber aðrar fyrirliggjandi gjaldskrár Sveitarfélagsins Stykkishólms fyrir árið 2026 upp til atkvæða, með áorðnum breytingum, að utanteknum þeim öðrum gjaldskrám sem þegar hafa verið samþykktar.

Bæjarstjórn samþykkir samhljóða aðrar gjaldskrár sveitarfélagsins.

Til máls tók: JBSJ

Farið var yfir gjaldskrá sveitarfélagsins, gjaldskránna vantaði í fundagátt fundarins og því var fundarfólk ekki búið að kynna sér gjaldskrána. Notast var við gjaldskrá sem lögð var fyrir fund íþrótta- og æskulýðsnefnd.

Ungmennráð gerir athugasemd varðandi kostnað á leigu ljósmyndasals í heilan dag en það viðrist vera að lækka úr 30.370kr í 3.585kr. Ungmennráð leggur til að útbúið sé sérstakt sundkort fyrir nema á lægri verði. Nemendur FSN geti sýnt fram á skólavist og fengið afslátt á stakri sundferð.