Fréttir

Snæfell mætti Hamar í fjórða leik liðanna í baráttu um sæti í undanúrslitum 1. deildar karla í körfuknattleik miðvikudaginn 9. apríl. Leikurinn fór fram í íþróttamiðstöðinni í Stykkishólmi. Stúkan var full og mikil stemmning í húsinu. Fyrir leikinn hafði Snæfell unnið einn leik en Hamar tvo og því um mikilvægan leik að ræða, en til að tryggja sér sæti í undanúrslitum þarf að sigra þrjá leiki. Lokatölur voru Snæfell 100 - Hamar 88, en heimamenn héldu forystu allan leikinn.

Amtsbókasafnið í Stykkishólmi verður lokaðí dymbilviku og opnar aftur eftir páska.

Guðni Sumarliðason hefur verið ráðinn í starf verkstjóra í áhaldahúsi Stykkishólms sem auglýst var 7. mars sl. Guðni lauk sveinsprófi í bifvélavirkjun árið 2014 frá Borgarholtsskóla. Hann hefur starfað við alhliða bílaviðgerðir hjá Dekk og smur frá árinu 2018, en hann starfaði hjá Toyota á árunum 2016 til 2018. Guðni starfaði hjá Golfklúbbi Akureyrar frá 2015 til 2016 við almennt viðhald golfvalla, sá um umgangi og viðhald ýmissa tækja á golfvellinum. Guðni starfaði sem sumarstarfsmaður hjá Golfklúbbi Reykjavíkur á árunum 2008 til 2014 við almennt viðhald golfvalla, notkun og umgengi tækja.

Leikskólinn í Stykkishólmi auglýsir lausa 100% stöðu deildarstjóra. Einkunarorð skólans eru: Virðing – gleði – kærleikur. Staðan deildarstjóra við Leikskólann í Stykkishólmi er laus frá 1. ágúst 2025.

Helstu fréttir eru komnar út. Tilgangur blaðsins er að bæta aðgengi íbúa að tilkynningum og fréttum frá sveitarfélaginu. Í því samhengi er sérstaklega horft til eldra fólks sem notast ekki við tölvur og liggur blaðið því frammi á Höfðaborg og Systraskjóli.

Snæfell fær Hamar í heimsókn í fjórða leik liðanna í 8 liða úrslitum 1. deildar, miðvikudaginn 9. apríl. Leikurinn fer fram í íþróttamiðstöð Stykkishólms kl. 19:15. Hamborgarasala hefst kl. 18:45 og því tilvalið fyrir alla fjölskylduna að taka kvöldverðinn í stúkunni. Stúkan var full á síðasta heimaleik Snæfells og mikil stemmning í húsinu.

Samband Sveitarfélaga á Vesturlandi efnir til Barnamenningarhátíðar Vesturlands 2025 næsta haust. Af því tilefni er leitað til skapandi krakka á Vesturlandi og þau beðin um að senda inn hugmyndir að nafni á hátíðina. Heitið má vera fyndið, frumlegt eða bara algjör snilld! Gott væri ef það myndi á einhvern hátt endurspegla Vesturland.

Leikskólinn í Stykkishólmi minnir á að umsóknir um leikskólavistun að hausti 2025 þurfa, samkvæmt skráningar- og innritunarreglum, að hafa borist fyrir 1. maí nk. Umsóknareyðublöð má nálgast í leikskólanum og á Íbúagátt Sveitarfélagsins Stykkishólms. Úthlutun leikskólaplássa fer fram í maí.

Snæfell fær Hamar í heimsókn í öðrum leik liðanna í 8 liða úrslitum 1. deildar þriðjudaginn 1. apríl. Leikurinn fer fram í íþróttamiðstöð Stykkishólms kl. 19:15. Hamborgarasala hefst kl. 18:45 og því tilvalið að taka kvöldverðinn í stúkunni.

Sveitarfélagið Stykkishólmur auglýsir laust til umsóknar 100% starf verkefnastjóra framkvæmda og eigna sveitarfélagsins. Leitað er eftir öflugum og drífandi einstaklingi sem sýnir metnað og frumkvæði í starfi. Æskilegt er að viðkomandi geti hafið störf sem fyrst eða eftir nánara samkomulagi.