Bæjarráð

Lögð fram fundargerð 29. fundar skipulagsnefndar.

Lögð fram fundargerð 5. fundar atvinnu- og nýsköpunarnefndar.

Lögð fra 5. fundargerð umhverfis- og náttúruverndarnefndar.

Lögð fram umsókn um lóðina Hjallatangi 13.

Lögð fram fundargerð fulltrúaráðsfundar EBÍ sem haldinn var 19. mars síðastliðinn.

Lagðar fram fundargerðir 470. og 471. fundar stjórnar Hafnasambands Íslands frá 19. febrúar og 28. mars 2025

Lagðar fram fundargerðir 973., 974.,975. og 976. fundar stjórnar Sambandsins frá 14., 19., 20. mars og 4. apríl 2025.

Lagt fram bréf eftirlitsnefndar með fjármálum sveitarfélaga til bæjarstjórnar vegna yfirferðar fjárhagsáætlunar 2025.

Þungarokkhátíðin Sátan fór fram í Stykkishólmi dagana 6.-9. júní 2024. Safna- og menningarmálanefnd hvatti, á 5. fundi sínum, til þess að leitað verði leiða að sanngjarni niðurstöðu milli sveitarfélagsins og forsvarsmanna Sátunnar, m.a. varðandi aðstöðuleigu og að tryggt sé að viðbótarkostnaði sveitarfélagsins vegna hátíðarinnar sé mætt.



Bæjarráð tók samkomulag vegna Sátunnar til umfjöllunar á 30. fundi sínum og fól bæjarstjóra að taka upp samtal við forsvarsmenn sátunnar á grunni fyrirliggjandi samningsdraga.

Bæjarstjórn Sveitarfélagsins Stykkishólms auglýsti þann 14. febrúar, eftir styrkumsóknum frá einstaklingum og fyrirtækjum í samræmi við reglur um styrkveitingar. Umsóknarfrestur var til og með 9. mars. Lagðar eru fram styrkumsóknir sem bárust á auglýstum tíma.



Á 31. fundi sínum vísaði bæjarráð málinu til næsta fundar.

Lagt fram erindi frá verkefnastjóra Umhverfisvottunar Snæfellsness. Á 31. fundi sínum vísaði bæjarráð málinu frekari vinnslu og óskaði eftir kynningu á verkefninu frá verkefnisstjóra. Umhverfis- og náttúruverndarnefnd fól, á 5. fundi sínum, nefndarmönnum að rýna betur drögin og senda ábendingar og athugasemdir til verkefnastjóra.



Guðrún Magnea Magnúsdóttir, verkefnastjóri Umhverfisvottunar, kemur til fundar við nefndina og gerir grein fyrir málinu.

Lagt fram óformlegt tilboð í íbúð við Skúlagötu 9, ásamt tengdum gögnum.



Á 31. fundi bæjarráðs fól bæjarráð bæjarstjóra að ganga til samninga með vísan til fyrirliggjandi gagna og leggja samning fyrir bæjarráð. Lögð er fram drög að samning.

Á 29. fundi bæjarráðs var lagt fram erindi frá Félagi atvinnulífs í Stykkishólmi þar sem óskað var eftir áframhaldandi samstarfi við sveitarfélagið. Bæjarráð samþykkti áframhaldandi samstarf við Félag atvinnulífs og fól bæjarstjóra að gera tillögu að samstarfssamningi til 3ja ára. Lögð eru fram drög að samningi. Bæjarráð fól, á 30. fundi sínum, bæjarstjóra að funda með forsvarsmönnum Félags atvinnulífs í Stykkishólmi og ganga frá samningi við félagið og leggja til samþykktar hjá bæjarráði.



Bæjarráð vísaði málinu á síðasta fundi sínum til þess næsta.

Á 19. fundi skóla- og fræðslunefndar var lögð fram skýrsla Ásgarðs skólaráðgjafaþjónustu vegna úttektar á úthlutun á kennslumagni og sérkennslu/stuðningi við Grunnskólanum í Stykkishólmi í samræmi við tillögur og hugmyndir í stefnumörkun og áherslum sveitarfélagsins í fjárhagsáætlun 2025. Farið var yfir skýrslu Ásgarðs skólaráðgjafarþjónustu og rætt var um viðmið kennslumagns, stoðþjónustu, aðstoð við kennara og aðstoð við nemendur inn í bekk. Einnig var rætt um innra mat skólansog aukina aðkomu Ásgarðs skólaráðgjafar að leikskólanum. Skóla- og fræðslunefnd samþykkti tvær neðan greindar tillögur.



1. Skóla- og fræðslunefnd samþykti meðfylgjandi viðmið um úthlutun á kennslumagni og að úthlutun á grunnkennslumagni fari framvegis fram samkvæmt þeim. Úthlutun á kennslumagni til grunnskólans skal byggja á áætlun skólastjóra um nemendafjölda frá 1. mars ár hvert.



2. Skóla- og fræðslunefnd samþykkti að stofna starfshóp um fyrirkomulag úthlutunar á stoðþjónustu allra barna í sveitarfélaginu. Starfshópnum er ætlað að skila tillögu til skóla- og fræðslunefndar 1. nóvember 2025. Í hópnum verði deildarstjóri stoðþjónustu grunnskólans og sérkennslustjóri leikskólans auk verkefnastjóra frá skólaráðgjafarþjónustunni Ásgarði. Skólastjórnendur skólanna verði til samráðs.



Bæjarstjórn staðfestir afgreiðslu skóla- og fræðslunefndar á 34. fundi sínum.



Þóra Margrét, skólastjóri, kemur til fundar við bæjarráð og gerir grein fyrir málinu.

Lögð fram ósk um styrk sem nemur byggingarleyfisgjöldum frá Frímúrarastúkunni Borg vegna framkvæmda á félagsaðstöðu félagsins við Smiðjustíg 3, en framkvæmdin mun koma til með að bæta aðgengi fatlaðra og hreyfihamlaðra að félagsaðstöðunni.

Lögð fram umsókn Ferjuleigu ehf. um rekstrarleyfi til reksturs veitingastaðar í flokki II, veitingastofa og greiðasala, sem rekinn verður um borð í Breiðafjarðarferjunni Baldri SH (3039) sem er skráð með heimahöfn í Stykkishólmshöfn.

Lögð fram umsókn um stöðuleyfi fyrir söluvagn við Hólmgarð.

Lögð fram breyting á deiliskipulagi Víkurhverfis vegna Bauluvíkur 1. Óskað er eftir breytingu skv. 1. mgr. 43. gr. skipulagslaga.



Breytingin felur í ser eftirfarandi:



1. Íbúðum fjölgar úr 4-6 í 10 íbúðir



2. Byggingarreitir breytast þannig að 10 íbúðir passi betur á reitina.



3. Bílastæðum er fjölgað úr 7 í 13.



Að öðru leyti gilda aðrir skilmálar.



Skipulagsnefnd samþykkti á 29. fundi sínum að auglýsa tillögu að breytingu deiliskipulags Víkurhverfis í samræmi við 1. mgr. 43. gr. skipulagslaga nr. 123/2010.



Skipulagsnefnd benti þó á að göngustígur að íbúðum þurfi að vera það breiður að sjúkrabíll komist að. Enn fremur að setja þurfi inn mælingar frá byggingarreit að lóðarmörkum við eldra hverfi.

Lögð fram fyrirspurn frá RARIK um breytingu á deiliskipulagi miðbæjar, austan Aðalgötu, sem felst í því að stofnuð verði ný lóð, Austurgata 4c, fyrir 10 m2 rofahús á norðausturhluta lóðarinnar og færa bílastæðareiti Austurgötu 4, þannig að þau séu á sama stað og í dag, fyrir framan bílskúrshurðir. Í framhaldi yrði gengið frá nýjum lóðaleigusamningi.



Skipulagsnefnd tók vel í fyrirhugaðar breytingu en lagði til að skoða aðra möguleika á staðsetningu fyrir rofahús með RARIK. Skipulagsnefnd veitti, á 29. fundi sínum, lóðarhafa heimild til þess að vinna tillögu að deiliskipulagsbreytingu.

Lagður fram uppdráttur að spennistöð á lóð Hamraenda 1. Um er að ræða 7 m2 hús.



Þar sem deiliskipulag er í vinnslu fyrir Hamraenda þá fól skipulagsnefnd, á 29. fundi sínum, skipulagsfulltrúa að kom því áleiðis til skipulagshönnuðar að bæta við byggingarreit fyrir spennistöðina. Fjarlægð milli bygginga skal miðast við byggingarreglugerð.

Lögð fram fyrirspurn vegna aukins nýtingarhlutfalls þar sem fyrirhugað er að stækka húsið við Aðalgötu 8. Í samþykktu deiliskipulagi, Miðbær Stykkishólms, er ekki tekið fram nýtingarhlutall á lóðum.



Aðalgata 8 er á verslunar- og þjónustusvæði skv. aðalskipulagi og þá liggur fyrir deiliskipulag sem gerir ekki grein fyrir nýtingarhlutfall lóðarinnar. Skipulagsnefnd taldi á 19. fundi sínum best að hlutaðeigandi aðilar fundi með skipulagsfulltrúa.

Lögð fram samantekt umsagna og athugasemda sem bárust við kynningu á vinnslustigi í samræmi við 2. mgr. 30. gr. og 4. mgr. 40. gr. skipulagslaga. Vinnslutillagan var í kynningu frá 7. febrúar til og með 7. mars sl. Tillögur bárust frá lögbundnum umsagnaraðilum og frá íbúum í nágrenni skipulagssvæðisins.



Jafnframt er lagt til að auglýsa tillögu að aðalskipulagsbreytingu skv. 31. gr. skipulagslaga og tillögu að deiliskipulagi skv. 41 gr. skipulagslaga.



Skipulagsnefnd samþykki, á 29. fundi sínum, að auglýsa tillögu að breytingu á Aðalskipulagi Stykkishólms 2002-2022 í samræmi við 31. gr. skipulagslaga nr. 123/2010. Enn fremur heimilaði skipulagsnefnd að auglýsa tillögu að deiliskipulagi í samræmi við 41. gr. skipulagslaga nr. 123/2010.

Lögð fram til samþykktar aðalskipulagsbreyting á Aðalskipulags Stykkishólms 2002-2022 og lögð fram samantekt umsagna og athugasemda sem bárust við kynningu á vinnslustigi í samræmi við 2. mgr. 30. gr. skipulagslaga. Vinnslutillagan var í kynningu frá 28. febrúar til og með 28. mars sl. Tillögur bárust frá lögbundnum umsagnaraðilum og frá hagsmunaaðilum.



Á 29. fundi skipulagsnefndar var lagt til að tillaga að aðalskipulagsbreytingu verði auglýst skv. 31. gr. skipulagslaga.



Skipulagsnefnd samþykkti að auglýsa tillögu að breytingu á Aðalskipulagi Stykkishólms 2002-2022 vegna stækkunar athafnarsvæðis við Hamraenda og grænna iðngarða við Kallhamar, ásamt breytingu á flugvelli, í samræmi við 31. gr. skipulagslaga nr. 123/2010.

Lagðar fram til samþykktar deiliskipulagsáætlanir fyrir Kallhamar og Hamraenda. Ennfremur er lögð fram samantekt umsagna og athugasemda sem bárust við kynningu á vinnslustigi í samræmi við 4. mgr. 40. gr. skipulagslaga. Vinnslutillagan var í kynningu frá 28. febrúar til og með 28. mars sl. Tillögur bárust frá lögbundnum umsagnaraðilum og frá hagsmunaaðilum. Jafnframt er lagt til að auglýsa tillögur að deiliskipulagi skv. 41. gr. skipulagslaga.



Skipulagsnefnd samþykkti, á 29. fundi sínum, að auglýsa tillögu að deiliskipulagi fyrir annars vegar Kallhamar og hins vegar Hamraenda, í samræmi við 41. gr. skipulagslaga nr. 123/2010.

Lögð fram umsókn um byggingarheimild fyrir frístundahús "sjávarhús" í landi Berserkjahrauns. Húsið er eitt rými með aflokaðri snyrtingu, byggt inn í landhalla, 50 metrum frá sjávarborði. Aðkoma er frá Helgafellssveitarvegi.



Skipulagsnefnd samþykkti, á 29. fundi sínum, að afla umsagnar frá Minjastofnun og Náttúruverndarstofnun. Enn fremur benti skipulagsnefnd á að þörf er á að sækja um framkvæmdaleyfi fyrir veg að húsinu.

Skipulagsnefnd bendir á að byggingarreitur skal ekki vera nær en 50 metrum frá fjöruborði miðað við stórstraumsflæði.

Lögð fram samantekt umsagna og athugasemda sem bárust við kynningu á vinnslutillögu breytingar á Aðalskipulagi Helgafellssveitr 20012-2024 í samræmi við 2. mg. 30 gr. og deiliskipulagstillögu í samræmi við 4. mgr. 40. gr. skipulagslaga. Vinnslutillagan var í kynningu frá 27. janúar til 24. febrúar 2025. Tillögur bárust frá lögbundnum umsagnaraðilum og frá nágrönnum.



Lagt er til að auglýsa tillögu að breytingu á Aðalskipulagi Helgafellssveitar 2012-2024 skv. 31. gr. skipulagslaga.



Jafnframt er lagt til að auglýsa tillögu að deiliskipulagi skv. 41. gr. skipulagslaga.



Skipulagsnefnd samþykkti, á 29. fundi sínum, að auglýsa tillögu að breytingu á Aðalskipulagi Helgafellssveitar 2012-2024 í samræmi við 31. gr. skipulagslaga nr. 123/2010. Enn fremur samþykkti nefndin að auglýsa deiliskipulagstillögu í samræmi við 41. gr. skipulagslaga nr. 123/2010.

Lögð fram umsókn um stækkun á frístundahúsi í 43 m2, ásamt 30,6 m2 gróðurhúsi. Tillagan er í samræmi við fyrirliggjandi deiliskipulagstillögu.



Skipulagsnefnd tók,á 29. fundi sínum, fram að aðal- og deiliskipulag Hóla 5a er á leið í auglýsingu skv. 31. og 41. gr. skipulagslaga og hefur meðferð málsins tafist. Því taldi nefndin ekki ástæðu til þess að aftra eiganda að hefja uppbyggingu við núverandi frístundahús og gróðurhús á lóðinni enda séu þau áform í samræmi við fyrirliggjandi skipulagsáform.

Lögð fram niðurstaða í útboði Vegagerðarinnar um rekstur Breiðafjarðarferju 2025-2028.



Atvinnu- og nýsköpunarnefnd bauð, á 5. fundi sínum, nýjan rekstraraðila velkominn í Stykkishólms og óskaði honum velfarnaðar við rekstur ferjunnar, enda skiptir það samfélagið hér höfuðmáli að vel takist til við rekstur ferjunnar. Atvinnu- og nýsköpunarnefnd hvatti til þess að rekstur Særúnar haldi áfram í Stykkishólmi, enda verið burðarstoð í ferðaþjónustu í Stykkishólmi um áratugaskeið.



Atvinnu og nýsköpunarnefnd beindi því til samgöngu- og sveitarstjórnarráðherra og Vegagerðarinnar að nauðsynlegt sé að ríkið fjárfesti í þjónustuaðstöðu í Stykkishólmshöfn í tengslum við starfsemi ferjunnar. Slík aðstaða í Stykkishólmshöfn er nauðsynleg til að tryggja samfellu í þjónustu og myndi hún fylgja með í útboði ríkisins hverju sinni.

Lagt fram frumvarp til laga um sýslumann sem er til meðferðar hjá allsherjar- og menntamálanefndar Alþingis. Í frumvarpinu er lagt til að landið verði gert að einu þjónustuumdæmi. Markmiðið með sameiningu má í grófum dráttum flokka í þrennt. Í fyrsta lagi að gera þjónustu við almenning eins góða og hægt er. Í öðru lagi að hámarka nýtingu þess fjármagns sem ráðstafað er til reksturs sýslumanns og verkefna hans. Í þriðja lagi að vinna markvisst að þeim markmiðum sem stefnt er að í byggðaáætlun og stefnuáherslu ríkisstjórnar, þar á meðal að efla og standa vörð um grunnþjónustu hins opinbera.



Atvinnu- og nýsköpunarnefnd lýsti á 5. fundi sínum áhyggjum af því að störf muni með tímanum sogast á höfuðborgarsvæðið eins og sagan hefur margoft sýnt. Í ljósi þess vantraust sem ríkir í þessum efnum treystir atvinnu- og nýsköpunarnefnd sér ekki til þess að styðja við frumvarpið.

Lögð fram drög að frumvarpi til laga um breytingu á lögum um veiðigjald, nr. 145/2018 (Mál nr. S-62/2025), sem atvinnuvegaráðuneyti kynnti til samráðs og umsagnar 25. mars til 3. apríl 2025, ásamt umsögn sveitarfélagsins. Þá eru lögð fram umsögn stjórnar Samtaka sjávarútvegssveitarfélaga við drög að frumvarpi um breytingar á veiðigjaldi, en með umsögninni er einnig samantekt gagna frá KPMG og bókun stjórnar, ásamt umsögn Samtaka sveitarfélaga á Vesturlandi.



Atvinnumálanefnd staðfesti, á 5. fundi sínum, umsögn sveitarfélagsins.

Á St.Franciskusspítala í Stykkishólmi er starfrækt háls- og bakdeild sem annast greiningu og meðferð háls- og bakvandamála og þjónustar allt landið, en á deildinni starfa, sjúkraþjálfarar, hjúkrunarfræðingur og aðrir starfsmenn. Um er að ræða mikilvæga þjónustu fyrir landsmenn alla og þar með gegnir deildin þýðingarmiklu þjóðhagslegu hlutverki, ásamt því að vera mikilvægur vinnustaður í Stykkishólmi. Í ljósi mikilvægi deildarinnar fyrir land og þjóð er nauðsynlegt að tryggja deildinni viðeigandi aðbúnað og fjármuni þannig að deildin geti vaxið og dafnað landinu til heilla.



Atvinnumálanefnd lagði til við bæjarráð að haldinn verði sameiginlegur fundur atvinnumálanefndar og bæjarráðs með stjórnendum háls- og bakdeildar í Stykkishólmi þar sem farið verður yfir stöðu deildarinnar í Stykkishólmi og þá framtíðarmöguleika sem deildin hefur til eflingar og vaxtar.

Störf á vegum ríkisins í Stykkishólmi voru tekin til umræðu á 4. fundi atvinnu- og nýsköpunarnefndar. Atvinnu- og nýsköpunarnefnd krafðist þess að ríkið standi vörð um störf á vegum ríkisins í Stykkishólmi en þeim hefur fækkað á síðustu 10 árum þrátt fyrir að ríkisstörfum hafi fjölgað á Vesturlandi sem og á landsvísu. Nefndin taldi ljóst að ríkið hafi ekki staðið sig sem skyldi í að fjölga ríkisstörfum á landsbyggðinni, a.m.k. ekki í Stykkishólmi. Vísaði nefndin að öðru leyti til fyrri ályktana og umsagna sveitarfélagsins vegna þessa. Bæjarstjórn staðfesti, 30. fundi sínum, afgreiðslu atvinnu- og nýsköpunarnefndar.



Á 5. fundi atvinnu- og nýsköpunarnefnd komu Páll S. Bryjanrsson og Vífill Karlsson frá Samtökum sveitarfélaga á Vesturlandi til að ræða þróun starfa á vegum ríkisins í sveitarfélaginu.



Atvinnu- og nýsköpunarnefnd minnti enn og aftur á að meðan að íbúum hefur fjölgað umtalsvert í Stykkishólmi á síðustu 10 árum meðan hefur ríkisstörfum fækkað á sama tíma. Atvinnu- og nýsköpurnarnefnd taldi brýnt að snúa þessari þróun við án tafar. Atvinnu- og nýsköpunarnefnd vísaði að öðru leyti til fyrri ályktana um málið.

Lagt fram skilabréf starfshóps um eflingu atvinnulífs í Stykkishólmi ásamt lokaskýrslu þar sem tíundaðar eru tillögur hópsins atvinnulífi í Stykkishólmi til framdráttar. Á 4. fundi atvinnu- og nýsköpunarnefndar benti nefndin á að starfshópur um eflingu atvinnulífs í Stykkishólmi skilaði af sér skýrslu árið 2022. Þar sem m.a. er lögð áhersla á frekari nýtingu svæðisbundinna náttúruauðlinda á sjálfbæran hátt og það verði gert með því að efla rannsóknir á lífríki sjávar. Til þess verði stofnað Þekkingar- og rannsóknarsetur við Breiðafjörð sem hafi það að meginmarkmiði að stuðla að auknu klasasamstarfi einstaklinga, atvinnulífs, stofnana og opinberra aðila þannig að stuðla megi að jákvæðri samfélags- og byggðaþróun á svæðinu, byggða á svæðisbundnum styrkleikum. Í sama streng tekur stýrihópur um framtíð verndarsvæðis Breiðafjarðar í skýrslu frá júní 2024. Atvinnu- og nýsköpunarnefnd fagnaði stuðningi Háskóla-, iðnaðar- og nýsköpunarráðherra við verkefnið og lagði áherslu á mikilvægi þess að það verði stofnað á vormánuðum 2025 í samræmi við stuðning ráðuneytisins þar um. Bæjarstjórn staðfesti, á 30. fundi sínum, afgreiðslu atvinnu- og nýsköpunarnefndar.



Bjarni Jónsson, verkefnastjóri verkefnisins, kom til fundar á 5. fundi atvinnu- og nýsköpunarnefndar og gerði grein fyrir stöðu málsins. Atvinnu- og nýsköpunarnefnd þakkaði verkefnastjóra fyrir greinargóða kynningu og hvatti til þess að þekkingarnetið verði stofnað á þessu ári.



Bjarni Jónsson, verkefnastjóri verkefnisins, kemur jafnfram á fund bæjarráðs og gerir grein fyrir málinu.

Á 2. fundi bæjarráðs sveitarfélagsins var lagður fram tölvupóstur frá forstjóra Heilbrigðisstofnunar Vesturlands þar sem greint er frá áhyggjum af mönnun yfirlæknisstöðu heilsugæslusviðs á Snæfellsnesi, en ekki bárust umsóknir í stöðuna sem var auglýst í tvígang árið 2020. Á fundinum lagði bæjarráð áhrslu á mikilvægi þess að auglýst sé eftir yfirlækni til starfa við heilsugæsluna og sjúkrahúsið í Stykkishólmi og í framhaldi af því eða á sama tíma séu auglýstar stöður heimilislækna með starfstöðvar í öðrum þéttbýliskjörnum á Snæfellsnesi. Ljóst er að sífellt erfiðara er að manna stöður heilbrigðisstarfsfólks, m.a. stöðu lækna og hjúkrunarfræðinga, og í því ljósi er mikilvægt að fara yfir stöðu á skipulagi og mönnun heilsugæslu- og bráðaþjónustu á starfssvæði HVE á svæðinu. Þá er að nýju lögð fram tillaga að eflingu HVE í Stykkishólmi.



Atvinnu- og nýsköpunarnefnd lagði, á 5. fundi sínum, til við bæjarráð að óskað verði eftir sameiginlegum fundi atvinnu- og nýsköpunarnefndar, velferðar- og jafnréttismálanefndar og bæjarráðs með forstjóra HVE varðandi stöðu á skipulagi og mönnun heilsugæslu- og bráðaþjónustu svæðinu, þ.m.t. stöðu á ráðningu yfirlæknis til starfa við heilsugæsluna og sjúkrahúsið í Stykkishólmi.

Tekið til umræðu staða löndunarþjónustu við Stykkishólmshöfn í sumar.



Atvinnu- og nýsköpunarnefnd lagði, á 5. fundi sínum, áherslu á mikilvægi löndunarþjónustu fyrir atvinnulífið í Stykkishólmi og hvatti hlutaaðeigandi til að leita allra leiða til þess að tryggja áfram þá þjónustu í Stykkishólmshöfn.

Lagt fram erindisbréf starfshóps um stefnumörkun opinna grænna svæða innan bæjarmarka í Stykkishólmi. Umhverfis- og náttúruverndarnefnd lýsti, á 4. fundi sínum, yfir áhuga nefndarinnar á að halda áfram vinnu starfshópsins, sem nú hefur hætt störfum.



Bæjarstjórn samþykkti á 30. fundi sínum að fela umhverfis- og nátturuverndarnefnd að halda áfram vinnu starfshópsins í samræmi við fyrirliggjandi erindisbréf.



Skipulagsnefnd gerði, á 26. fundi sínum, fyrir sitt leyti ekki athugasemdir við fyrirliggjandi vinnu og lýsti yfir vilja til þess að fá til skoðunar hugmyndir til umsangar á síðari stígum. Skipulagsnend lagði áherslu á að leitað verði umsagnar Rarik áður en farið verði í gróðursetningar á svæðum þar sem finna má lagnaleiðir.



Bæjarráð staðfesti, á 29. fundi sínum, afgreiðslu skipulagsnefndar og vakti athygli umhverfis- og náttúruverndarnefnd á afgreiðslu skipulagsnefndar.



Málefnið var tekið til umfjöllunar á 5. fundi umhverfis- og náttúruverndarnefndar og lagaðar fram tillögur að áningarstöðum.



Umhverfis- og náttúruverndarnefnd samþykkir fyrirliggjandi staðsetningar áningastaða og fangar þeim áformum sem liggja fyrir.



Umhverfis- og náttúruverndarnefnd lagði til að farið verði í vinnu við að móta heilstæða tillögu að staðsetningu bekkja annars vegar í bæjarlandi og hins vegar innan þéttbýlis.



Umhverfis- og náttúruverndarnefnd vísaði að öðru leyti málinu til frekari vinnslu í nefndinni.

Lögð fram vinnugögn vegna hönnunar á gönguleiðum í sveitarfélaginu. Við gerð fjárhagsáætlunar lagið umhverfis- og náttúruverndarnefnd árherslu á áframhaldandi uppbyggingu á göngustígum. Nefndin lagði sérstaka áherslu á göngutengingu við strandlengju Kirkjustígs og Daddavíkur áfram að Grensás, tengingu Sundabakka við Reitarveg og áfram holtið og tengingu í enda Hjallatanga niður að reiðveg.



Lagðar fram tillögur að göngustígatengingum innanbæjar og göngustígum í bæjarlandinu í samræmi við fyrri umræður þar um.



Umhverfis- og náttúruverndarnefnd fagnaði, á 5. fundi sínum, þeim tillögum sem liggja fyrir og samþykkti þær.

Stóri plokkdagurinn 2025 verður haldinn sunndaginn 27. apríl næstkomandi. Umhverfis- og náttúruverndarnefnd samþykkti, á 5. fundi sínum, að halda utan um og skipuleggja stóra plokkdaginn 2025 í sveitarfélaginu og tryggja þannig þátttöku sveitarfélagsins í þessu mikilvæga verkefni.

Lagt fram minnisblað bæjarstjóra um skipulagsbreytingar sem unnið var samkvæmt beiðni oddvita beggja lista, í framhaldi af umræðu 28. fundar bæjarráðs, minnisblaðs frá Félags- og skólaþjónustunni og öðrum tengdum gögnum.

Lagður fram ársreikningur sveitarfélagsins fyrir árið 2024.

Lagður fram viðauki 1 við fjárhagsáætlun 2025-2028.

Lögð fram umsókn Ferjuleiða ehf. um 20 ft. skrifstofugám við ekjubrú á hafnarsvæði.

Lagt er til að Nesvegur 14a verði auglýst laus til umsóknar.